Ministri i Mbrojtjes, Pirro Vengu, mori pjesë në Ministerialin e Kartës së Adriatikut në Sarajevë, një forum që bashkon Shtetet e Bashkuara të Amerikës dhe pesë vende të Ballkanit Perëndimor.

Gjatë fjalës së tij, Vengu theksoi sfidat e trashëguara dhe kërcënimet e reja për rajonin, duke nënvizuar nevojën për partneritet më të ngushtë, investime në kapitalin njerëzor, mbrojtje kibernetike, industri, pajisje dhe sisteme të përbashkëta.

“Ballkani Perëndimor ka ende shumë sfida të trashëguara dhe kërcënime të reja, të cilat kërkojnë partneritet më të ngushtë, investime në kapitalin njerëzor, në mbrojtje kibernetike, në industri, në pajisje dhe sisteme të përbashkëta”, theksoi Vengu në një postim.

“Me SHBA-në besojmë se kjo nismë rajonale është një platformë e domosdoshme, e cila duhet të orientohet drejt bashkëpunimit më efektiv në dobi të rritjes së qëndrueshmërisë së çdo vendi pjesëmarrës”, nënvizoi ministri Vengu.

Në këtë kuadër, shtoi Vengu, anëtarësimi i Kosovës në A5 është një nevojë strategjike.

Burimi ATSH