Në javën e personave që nuk dëgjojnë, ministrja e Shëndetësisë dhe Mbrojtjes Sociale, Evis Sala, përcolli një mesazh në gjuhën e shenjave.

“Nuk ka të drejta të njeriut pa të drejta në gjuhën e shenjave. Si mjeke e vlerësoj si shumë të rëndësishme dhe e mendoj me zemër për ju”, tha Sala në mesazhin e saj të publikuar në rrjetet sociale.

Dita Ndërkombëtare e Gjuhëve të Shenjave shënohet si një mundësi unike për të mbështetur dhe mbrojtur identitetin gjuhësor dhe diversitetin kulturor të të gjithë personave që nuk dëgjojnë dhe përdoruesve të tjerë të gjuhës së shenjave.

Asambleja e Përgjithshme e OKB-së ka shpallur 23 shtatorin si Ditën Ndërkombëtare të Gjuhëve të Shenjave me qëllim rritjen e ndërgjegjësimit për rëndësinë e gjuhës së shenjave në realizimin e plotë të të drejtave të njeriut të njerëzve që nuk dëgjojnë.

Burimi ATSH