Me vendim të Bordit të Akreditimit, Akademia e Forcave të Armatosura ka marrë akreditimin institucional për një periudhë pesëvjeçare, duke konfirmuar përmbushjen e standardeve të arsimit të lartë në vend, bëri të ditur sot Ministria e Mbrojtjes.

Ky është një hap i rëndësishëm drejt rritjes së cilësisë në arsimin ushtarak dhe kërkimin shkencor, në funksion të përgatitjes së studentëve dhe oficerëve të ardhshëm të Forcave të Armatosura, thekson MM.

MM nënvizon se, kjo është një dëshmi konkrete e përkushtimit për cilësi akademike dhe zhvillim profesional në përputhje me sfidat bashkëkohore të sigurisë dhe mbrojtjes.

Burimi ATSH