Themeli: Ekonomia në trend pozitiv zhvillimi për 3 vitet në vijim

Erald Themeli, drejtor i Politikës Monetare në Bankën e Shqipërisë tha se, “ekonomia shqiptare vijon në trend pozitiv zhvillimi”


Erald Themeli, drejtor i Politikës Monetare në Bankën e Shqipërisë tha se, “ekonomia shqiptare vijon në trend pozitiv zhvillimi të shfaqur në drejtim të rritjes ekonomike solide, inflacionit të ulët nën kontroll, nivel të ulët të borxhit publik, si dhe treguesit në përmirësim të tregut të punës”.

Sipas tij, perspektiva e ekonomisë në trend pozitiv zhvillimi do të vijojë edhe për 3 vitet në vijim.

“Ritmi i rritjes ekonomike për vitin 2024 qëndroi në nivelin 4%, i ushqyer në një masë të madhe nga zgjerimi i konsumit familjar dhe investimeve të përgjithshme në ekonomi, qoftë në sektorin publik, qoftë në sektorin privat. Zgjerimi i kërkesës së brendshme pasqyron si bilance të shëndosha financiare të ekonomisë shqiptare, ashtu edhe kushte të favorshme të financimit, që do të thotë niveli i normave të interesit dhe kushtet e përgjithshme të kreditimit, kanë favorizuar një rritje të shpejtë të kredisë, të cilat kanë mbështetur zgjerimin e konsumit dhe investimeve”, u shpreh Themeli.

Ai tha se, gjatë vitit 2024, ka pasur nivel inflacioni 2,2%, lehtësisht nën objektivin e Bankës Qendrore, që në një pjesë të madhe lidhet me efektin frenues që ka sjellë forcimi i shpejtë i kursit të këmbimit gjatë vitit 2024.

“Për vitin 2025 e në vazhdim, pavarësisht problematikave që ka parashikimi i kursit të këmbimit, ne presim një ecuri më të balancuar të këtij treguesi në raport me zhvillimet që janë vënë re dy vitet e fundit, që do të thotë që edhe efekti frenues në inflacion që kemi pasur në 2023 dhe 2024, nuk do të jetë më aq i fortë në të ardhmen”, u shpreh Themeli.

Sipas tij, rritja e eksporteve, ecuria pozitive e turizmit do të mbështesin rritjen e ekonomisë krahas evidentimit tashmë të zgjerimit të aktivitetit, kryesisht të sektorit të shërbimit dhe ndërtimeve.

Burimi ATSH

Lexo më shumë nga

Rama takim me Metsola: Rikonfirmoi mbështetjen e fortë të Parlamentit Europian për procesin e zgjerimit

Kryeministri Edi Rama u takua sot në Bruksel me presidenten e Parlamentit Europian, Roberta Metsola.

Global 360

Vendet evropiane vendosin kushte për bisedimet e sigurisë me Rusinë

Një shumicë e madhe e vendeve evropiane janë të gatshme të zhvillojnë bisedime me Rusinë për çështjet kryesore të sigurisë…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Rama takim me Metsola: Rikonfirmoi mbështetjen e fortë të Parlamentit Europian për procesin e zgjerimit

Kryeministri Edi Rama u takua sot në Bruksel me presidenten e Parlamentit Europian, Roberta Metsola.