Përfaqësues të Qendrës Kombëtare të Biznesit dhe Bankës Botërore diskutuan sot rreth projektit “B-Ready”, i cili synon të mbështesë përmirësimin e mjedisit të biznesit në nivel global.

Qendra Kombëtare e Biznesit bëri të ditur se gjatë takimit u diskutua për hapat konkretë të implementimit dhe rëndësinë e mbledhjes së të dhënave, për të përmirësuar më tej proceset dhe indikatorët e projektit.

“Ky bashkëpunim përfaqëson një mundësi të re për të rritur efikasitetin dhe transparencën e shërbimeve për bizneset shqiptare”, bën të ditur QKB.

Qendra Kombëtare e Biznesit bën të ditur se do të vijojë angazhimin për të krijuar lehtësi dhe mbështetje konkrete për bizneset, duke punuar ngushtë me partnerët ndërkombëtarë për zbatimin e projekteve inovative.

Burimi ATSH