Qendra e Studimit të Arteve organizoi sot në mjediset e Akademisë së Shkencave (ASH), konferencën ndërkombëtare “Unfolding the city”.

Kjo është konferenca e parë shkencore ndërkombëtare në Shqipëri mbi artin në hapësirën publike dhe transformimin e qytetit.

Veprimtaria u çel me fjalën e drejtorit të Qendrës së Studimit të Arteve, akad. asoc. Stefan Çapaliku dhe më tej fjala ishte për folësin kryesor të konferencës, dr. Vincent Van Gerven Oei, i cili referoi mbi temën “Lapidarët e qiellgërvishtësit si propagandë monumentale”.

Ndërsa dr. Alessandro Gallicchio referoi mbi artistin shqiptar Edi Hila, me temën “Edi Hila: Të pikturosh hapësirat e Shqipërisë bashkëkohore”. Më pas, dr. Anxhela Çikopano dhe dr. Alert Çeloaliaj trajtuan çështjen e Teatrit Kombëtar.

Konferenca me temë “Qyteti i shpalosur: arti si faktor shndërrimesh” do të zhvillohet edhe ditën e nesërme (12 dhjetor) në sallën “Aleks Buda” të ASH-së.