Zëvendësministri i Drejtësisë, Klajd Karameta priti sot në një takim përfaqësuesit e qendrës “Rule of Law” nga Universiteti i Helsinkit.

Në takim u diskutua mbi forcimin e sundimit të ligjit në Shqipëri, rezultatet e Reformës në Drejtësi dhe procesin e vetting-ut të magjistratëve.

Nga ana e tyre përfaqësuesit e qendrës “Rule of Law” ofruan mundësinë e bashkëpunimit dhe mbështetjen me ekspertizë në fusha të rëndësishme, si legjislacioni zgjedhor dhe Kapitulli 23 në negociatat me BE-në.

Kapitulli 23 në negociatat me BE-në përfshin fushën e gjyqësorit, antikorrupsionin, të drejtat themelore dhe të drejtat e shtetasve të BE-së. Acquis përcakton standarde të larta të gjykimit për të garantuar sundimin e ligjit, duke siguruar gjithashtu garanci për një proces të rregullt ligjor.

(ATSH)