Më datë 18 dhe 19 tetor 2023, stafi i AIDA-s mori pjesë në Javën e Energjisë, Ballkani Perëndimor, të organizuar nga Invest in Network në Tivat, Mal i Zi. Emëruesi i përbashkët i kësaj konference ishte tranzicioni energjetik dhe dekarbonizimi.

Duke qenë se vendet e Ballkanit ndajnë pothuajse të njëjtat problematika dhe sfida në sektorin energjetik për shkak të së kaluarës, me infrastrukturën e vjetëruar si dhe përdorimin e qymyrit në furnizimin me energji elektrike, tranzicioni drejt energjive të rinovueshme doli në këtë konferencë si domosdoshmëri.

Në këtë event u theksua nevoja e angazhimit të përbashkët, e cila lidhet me kalimin e plotë drejt energjisë së rinovueshme, duke patur në vëmendje efiçencën energjetike dhe furnizimin e pandërprerë me energji elektrike.