60 të zgjedhur vendorë, të dalë nga zgjedhjet vendore të 14 majit 2023, ishin pjesë e trajnimit të parë të Programit të Akademisë së Lidershipit, në kuadër të projektit të Këshillit të Evropës Mbështetja e Reformës në Administratën Publike në Nivel Vendor në Shqipëri, të financuar nga qeveria gjermane. Trajnimet u organizuan në 4 sesione rajonale në Shkodër, Tiranë, Vlorë dhe Sarandë, përgjatë datave 18-21 shtator 2023, nën drejtimin e ekspertëve ndërkombëtare dhe kombëtarë.

Pjesëmarrësit u prezantuan me një mënyrë të re të të menduari lidhur me lidershipin institucional dhe mirëqeverisjen në nivel vendor, dhe u inkurajuan të zhvillojnë ndërgjegjësim personal, vlera, njohuri, aftësi, sjellje dhe qëndrime. Ata shkëmbyen pikëpamje dhe eksperienca mbi konceptet kryesore të lidershipit modern si etika, integriteti, inteligjenca emocionale, puna në ekip dhe se si këto elementë zbatohen efektivisht në punën e përditshme dhe në proceset e vendimmarrjes. Diskutimet interaktive mbi praktikat më të mira dhe sfidat e përbashkëta në zbatimin e lidershipit ishin një tjetër dimension i rëndësishëm i këtyre aktiviteteve.

Modulet e fazave të tjera, të parashikuara në javët në vijim, do të mbulojnë aspekte të tjera të lidershipit si menaxhimi strategjik, llogaridhënia, menaxhimi i performancës, pjesëmarrja, dhe 12 parimet e Këshilit të Evropës për mirëqeverisje demokratike.

Programi i Akademisë së Lidershipit është një program i të nxënit interaktiv i krijuar nga Qendra e Ekspertizës për Mirëqeverisje e Këshillit të Evropës, që ka në fokus zyrtarë dhe të zgjedhur të qeverisjes vendore.