Kryetarja e bashkisë së Durrësit, Emiriana Sako zhvilloi sot një takim me kryetarin e bashkisë së Vallefoglia të Italisë, Palmiro Ucchielli, i cili ndodhet për vizitë në qytetin bregdetar.

Sako e njohu kryebashkiakun Ucchielli me potencialin e jashtëzakonshëm ekonomik e turistik të qytetit tonë si dhe me trashëgiminë tonë kulturore.

Nga ana e tij kryebashkiaku i Vallefoglias, Ucchielli, u shpreh se kishte pasur gjithmonë shumë dëshirë për të vizituar Durrësin dhe se kishte mbresa mjaft pozitive nga qyteti ynë ku këtë sezon turistik ka patur një numër shumë të madh turistësh italianë.

Kryebashkiakja Sako tha se “diskutuam edhe për bashkëpunimin në fusha të ndryshme, sidomos në ato kulturore e turistike”.