Nga Dash Frashëri

Peja është shndërruar prej disa dekadash një nga destinacionet turistike më të frekuentuara, për shtetasit e Kosovës, bashkëkombasit e Shqipërisë dhe turistët e huaj, thuajse nga e gjithë bota.

Me një vendndodhje strategjike midis tre shteteve: Kosovës, Shqipërisë dhe Malit të Zi, Peja, e traditave të bukura dhe e mikpritjes, ka një rrjet biznesesh nga më elitaret në Kosovë dhe me eksporte ndërkombëtare.

Investimet cilësore në rrjetin e shërbimeve të kafeterive dhe restoranteve i kanë dhënë Pejës një emër shumë të mirë, për të cilën kanë shkruar edhe mediat më të mëdha ndërkombëtare.

Bar-Restoranti Lounge – “GRAND by Doncafe” – është investimi më i ri i kompanisë TDM GLOBAL LLC., i përuruar më 8 gusht 2023 dhe që qysh në dy ditët e tij të para ka tërhequr vëmendjen e pejanëve, por dhe vizitorëve.

Bëhet fjalë për ish-motelin e dikurshëm që quhej “Dardania”, – i cili kishte dalë jashtë funksionit në vitet pas mbarimit të luftës në Kosovë.

Ky objekt është revitalizuar pas më shumë se 23 vitesh dhe tashmë i është dhënë funksioni i një bar-kafeje.

Ceremonia e përurimit ishtë mbresëlënëse. Disa nga emrat më të njohur të biznesit kosovar ishin të pranishëm, për të ndarë kënaqësinë me investitorët.

Shiritin e momentit historik të nisjes së aktivitetit “GRAND by Doncafe” e presin Edmond Sedefi (drejtor operativ ne TDM GLOBAL) dhe Berat Kurtaj (drejtor menaxhues i kafeterive dhe restoraneve të TDM GLOBAL).

Muzika e performuar e shumëfishon kënaqësinë!

Mbrëmja e ngrohtë në Pejën e bukur është e gjitha, për t’u shijuar te “GRAND by Doncafe”!