Muzeu Historik Kombëtar në Tiranë, mbetet një nga vendet më të vizituara në kryeqytet gjatë korrikut ka shënuar 13.546 vizitorë në total, duke pasur një rritje nga viti i kaluar.

Në mjediset e muzeut gjenden rreth 4750 objekte, të cilat i përkasin një periudhe të gjatë kohore duke filluar nga mijëvjeçari IV para Krishtit dhe deri në gjysmën e dytë të shekullit XX.

Muzeu ekspozon pasuritë e tij nëpërmjet tetë pavijoneve. Pavijoni i Lashtësisë është nga më të pasurit në Muzeun Historik Kombëtar, me afro 400 objekte të ndryshme.