Nga Genc Kojdheli

“E pluribus unum” ose “Prej shumë, një” është motoja e Shteteve të Bashkuara të Amerikës, e rrënjosur në Vulën e Madhe të Unionit (13 koloni asokohe, andaj 13 gërma) që qëndron mbi shqiponjën e cila në njërën kthetër mban një degë ulliri (simbolikë e paqes) e në tjetrën një tufë me shigjeta (simbolikë e luftës).

Koka e shqiponjës është e kthyer drejt degës së ullirit, duke personifikuar preferencën për paqen.

Në anën e pasme të Vulës qëndron shprehja “Novus ordo seclorum” ose “Një rend i ri ndër shekuj”.

E pikërisht me këtë simbolikë lindi një komb i cili ka përkufizuar e dominuar 3 shekujt e fundit të njerëzimit, duke u kthyer në tokën e premtuar, etalonin e demokracisë, sipërmarrjes, ekselencës në biznes, novacion, edukim, art e kulturë.

Për ne shqiptarët një aleat i madh, pa prezencën e këmbënguljen e të cilit me shume gjasa nuk do ishim këtu ku jemi sot.

Rrjedhimisht, është gjithmonë kënaqësi t’u uroj miqve amerikanë si dhe shumë shqiptarëve të natyralizuar amerikanë:

Gëzuar Festën e Pavarësisë!

(Marrë nga Facebook i autorit)