Kryetarja e Kuvendit të Shqipërisë, Lindita Nikolla, përmes një reagimi në rrjetet sociale, e konsideroi Kongresin e Lushnjës, i cili filloi punimet 103 vjet më parë, më 21 janar 1920, si një kongres që themeloi parlamentarizmin shqiptar.
Postimi i Kryeparlamentares Nikolla
103 vjet më parë, më 21 janar 1920, filloi punimet Kongresi i Lushnjës, i cili themeloi parlamentarizmin shqiptar.
Dy janë ngjarjet madhore në historinë e kombeve: pavarësia dhe shtetformimi.
Pavarësia e Shqipërisë është kurorëzimi i luftrave, përpjekjeve dhe diplomacisë së patriotëve shqiptarë.
Konsolidimi i shtetit është një proces i gjatë, i cili vetëm nisi me Kongresin e Lushnjës.
Shqipëria e pavarur e ka një At Themelues: Ismail Qemalin. Ndërkohë, parlamentarizmi e shtetformimi janë vepër e brezave të patriotëve e shtetarëve prej më shumë se një shekulli.
Mirënjohja për parlamentarët e parë të zgjedhur prej Kongresit të Lushnjës dhe parlamentarët ndër vite që kanë kontribuar në fuqizimin e shtetit dhe konsolidimin e institucioneve demokratike të na inspirojë për të qenë të bashkuar përballë sfidave kombëtare.
