Ditët e fundit, Ambasadorja e Kinës në Maqedoninë e Veriut, Jiang Xiaoyan vizitoi shkollën fillore “Shën Kirili dhe Metodi” në Koçani dhe mori pjesë në një shfaqje të veçantë të filmit“Planeti blu përtej dritares”. Në aktivitet morën pjesë gati 100 nxënës, mësues dhe banorë vendas.

Në fjalimin e saj, ambasadorja Jiang foli për Festivalin e parë të Filmit Kinez që po zhvillohet në Maqedoninë e Veriut, si dhe për shkëmbimet e vazhdueshme kinematografike dhe artistike midis dy vendeve. Ajo theksoi se filmi është një formë arti që kapërcen kufijtë kombëtarë dhe gjuhët, duke shërbyer si një urë që lidh qytetërimet dhe zemrat. Ajo nënvizoi se e ardhmja – si dhe promovimi i miqësisë tradicionale – varet nga të rinjtë.

Foto nga Ambasada e Kinës në Maqedoninë e Veriut

Foto nga Ambasada e Kinës në Maqedoninë e Veriut

Foto nga Ambasada e Kinës në Maqedoninë e Veriut

Ajo shprehu shpresën se nisma “Filmi kinez në shkolla” do të nxisë një mirëkuptim më të thellë midis dy kombeve, do të frymëzojë brezin e ri që të vendosë qëllime ambicioze dhe të ndjekë ëndrrat e veta, si dhe do t’i inkurajojë ata të punojnë së bashku për ndërtimin e një komuniteti me një të ardhme të përbashkët për njerëzimin.

Filmi është dokumentari i parë kinez i xhiruar në hapësirë me rezolucion 8K, që tregon misionin 183-ditor të anijes kozmike Shenzhou nr. 13.

Burimi CGTN