Zëvendëskryeministrja Albana Koçiu vlerësoi sot bajpasin e Tiranës si investim strategjik që i përgjigjet zhvillimit të kryeqytetit dhe nevojës për një infrastrukturë moderne e të integruar.

Përmes një postimi në rrjetet sociale, Koçiu bëri të ditur se projekti do të lidhë akset e Korridorit Adriatiko-Jonian, Thumanë–Kashar dhe Kashar–Lekaj, si dhe autostradën Durrës–Tiranë me autostradën Tiranë–Elbasan, pjesë e Korridorit VIII.

Sipas saj, 21 kilometrat e infrastrukturës së re do të shkurtojnë distancat ndërmjet qyteteve dhe do të lehtësojnë qarkullimin, duke devijuar trafikun tranzit jashtë Tiranës.

Koçiu theksoi se projekti pritet të krijojë gjithashtu mundësi të reja për zhvillimin e mëtejshëm të kryeqytetit dhe zonave përreth.

Burimi ATSH