Konkursi i pranimit në Fakultetin e Arkitekturës dhe Urbanistikës për vitin akademik 2026–2027 do të zhvillohet më 19 gusht në Pallatin e Kongreseve, Tiranë.

Lajmi u bë i ditur sot nga ministrja e Arsimit, Mirela Kumbaro e cila theksoi se për të marrë pjesë në testin e pranimit, maturantët duhet fillimisht të përzgjedhin programet e studimit në portalin U-Albania dhe më pas të aplikojnë në e-Albania për regjistrimin në konkurs.

Programet e studimit në FAU për të cilat do të zhvillohet konkursi/testi janë: Programet e Integruara të ciklit të dytë të studimeve, Master Shkencor në Arkitekturë, Profili Arkitekt (5 vite, me kohë të plotë); Programet e Integruara të ciklit të dytë të studimeve, Master Shkencor në Arkitekturë, Profili Urbanist (5 vite, me kohë të plotë); Bachelor në Arkitekturë Interieri dhe Dizajn (3 vite, me kohë të plotë).

Të drejtën për të zhvilluar konkursin/testin e pranimit e kanë të gjithë kandidatët, të cilët kanë përzgjedhur programet e studimit të FAU-t si një nga 10-të programet në portalin U-Albania dhe kanë kryer paraprakisht aplikimin për të marrë pjesë në konkursin/testin e pranimit.

Aplikimi për testin e pranimit dhe Testi i Pranimi është një i vetëm për të tre programet e studimit në FAU për të cilat do të zhvillohet konkursi.

Për të gjitha fazat/raundet e regjistrimit aplikanti duhet të ketë kryer testin e pranimit i cili do të zhvillohet vetëm një herë.

Çdo aplikant i paregjistruar për testin e pranimit (konkursin) brenda afateve të përcaktuara në këtë njoftim, edhe nëse ka përzgjedhur një nga programet e studimit si një nga 10 preferencat e tij, nuk do të ketë më të drejtën të konkurrojë për asnjë nga tre programet e studimit që FAU zhvillon me konkurs.

Kanë të drejtë të regjistrohen për në testin e pranimit vetëm kandidatët të cilët kanë përzgjedhur programet e studimit të FAU-t si një nga dhjetë programet në portalin U-Albania dhe kanë kryer paraprakisht aplikimin për të marrë pjesë në konkursin/testin e pranimit.

Marrë nga ATSH