Këshilli i Ministrave miratoi sot rekomandimet prioritare në luftën kundër kriminalitetit, për vitin 2026.

Vendimi përcakton miratimin e rekomandimeve prioritare që do të udhëheqin punën e institucioneve të drejtësisë dhe prokurorisë në luftën kundër kriminalitetit gjatë vitit 2026.

Sipas vendimit, ministri i Drejtësisë ngarkohet të përcjellë menjëherë rekomandimet prioritare pranë Prokurorit të Përgjithshëm, si dhe t’ua bëjë ato të njohura drejtuesve të prokurorive të të gjitha shkallëve dhe drejtuesit të Prokurorisë së Posaçme, në një mbledhje të përbashkët, jo më vonë se 1 muaj nga data e miratimit të tyre në qeveri.

Gjithashtu, ministri i Drejtësisë do të ndjekë në vijimësi mënyrën e zbatimit të rekomandimeve, në përputhje me legjislacionin në fuqi.

Vendimi hyn në fuqi menjëherë dhe do të botohet në “Fletoren Zyrtare”.

Burimi ATSH