Ministri i Financave, Petrit Malaj zhvilloi një takim në Uashington Dc, SHBA, Zëvendëspresidenten e Bankës Botërore për Europën dhe Azinë Qendrore, Antonella Bassani, në kuadër të forcimit të bashkëpunimit ndërinstitucional.

Gjatë takimit, ministri Malaj vlerësoi partneritetin e qëndrueshëm me Bankën Botërore, duke e cilësuar atë si një mbështetje kyçe për avancimin e reformave ekonomike në vend.

Malaj theksoi rolin e rëndësishëm të këtij bashkëpunimi në forcimin e qëndrueshmërisë fiskale, si dhe në zbatimin e projekteve konkrete me ndikim të drejtpërdrejtë në zhvillimin ekonomik dhe social.

Ministri shprehu gatishmërinë për të vijuar dhe thelluar këtë bashkëpunim të frytshëm, në funksion të një ekonomie më të fortë, më konkurruese dhe më pranë standardeve të Bashkimit Europian.

Nga ana e saj, Bassani rikonfirmoi angazhimin e Bankës Botërore për të mbështetur Shqipërinë në prioritetet e saj zhvillimore, duke vënë theksin te reformat strukturore dhe rritja e qëndrueshme ekonomike.

Takimi u zhvillua në kuadër të diskutimeve të nivelit të lartë mbi bashkëpunimin ekonomik dhe financiar.

Burimi ATSH