Ministria e Drejtësisë bëri me dije se ka një rritje të zbatimeve të vendimeve gjyqësore gjatë vitit 2026, duke e krahasuar me të njëjtën periudhë të një viti më parë.

Sipas Ministrisë së Drejtësisë, në mars të vitit 2025 janë ekzekutuar 1 913 dosje, ndërsa në mars të vitit 2026 ky numër ka arritur në 2 254 dosje të ekzekutuara.

“Më shumë dosje të ekzekutuara nga Shërbimi Përmbarimor Shtetëror. Rezultatet në rritje krahasuar me një vit më parë të Shërbimit Përmbarimor Gjyqësor Shtetëror ku tregojnë forcimin e punës në vendosjen e drejtësisë dhe zbatimin e ligjit”, nënvizoi ministria e Drejtësisë.

Po ashtu, Ministria bën me dije se është shënuar edhe një rritje e të ardhurave në buxhet. Sipas saj, të ardhurat janë rritur me 20,963,196 lekë krahasuar me një vit më parë.

“Rritje e ndjeshme e të ardhurave në buxhet me 20 963 196 lekë krahasuar me një vit më parë. Rezultat i forcimit të zbatimit të vendimeve gjyqësore dhe përgjegjësisë institucionale si pjesë e Ministrisë së Drejtësisë”, nënvizoi Ministria e Drejtësisë.

Burimi ATSH