Ambasadorja e Republikës së Shqipërisë në Turqi, znj. Blerta Kadzadej, u prit në një takim nga Zëvendëspresidenti i Republikës së Turqisë, Cevdet Yılmaz.

Gjatë takimit u diskutua mbi marrëdhëniet shumë të mira dhe tradicionale ndërmjet Shqipërisë dhe Turqisë, si dhe mbi mundësitë për forcimin dhe zgjerimin e mëtejshëm të bashkëpunimit dypalësh në fusha të ndryshme, përfshirë tregtinë, investimet, industrinë e mbrojtjes, shkencën dhe teknologjinë, si dhe bashkëpunimin humanitar.

Palët theksuan rëndësinë e thellimit të dialogut dhe koordinimit mes dy vendeve, duke vlerësuar nivelin e lartë të marrëdhënieve dhe partneritetin strategjik mes Shqipërisë dhe Turqisë.

Gjithashtu, gjatë bisedës u trajtuan edhe zhvillimet e fundit rajonale dhe ndërkombëtare, veçanërisht tensionet e rritura në Lindjen e Mesme dhe pasojat humanitare të konflikteve në rajon. Në këtë kuadër u nënvizua rëndësia e ruajtjes së paqes, stabilitetit dhe zgjidhjes së mosmarrëveshjeve përmes dialogut dhe diplomacisë.