Këshilli i Ministrave ka miratuar një vendim për indeksimin në masën 2.5% të pagës bazë për gradë dhe të pagës për tituj akademikë apo grada shkencore për ushtarakët aktivë të Forcave të Armatosura të Republikës së Shqipërisë.

Vendimi parashikon disa ndryshime në aktin nr.420, datë 26.6.2024, “Për trajtimin me pagë dhe shtesa mbi pagë të ushtarakëve aktivë”, duke zëvendësuar lidhjet nr.1 dhe nr.2, që përmbajnë tabelat me vlerat përkatëse të pagave dhe shtesave.

Sipas përcaktimeve të reja, elementët “pagë bazë për gradë” dhe “pagë për titull akademik/gradë shkencore/kualifikim shkencor” indeksohen në masën 2.5%, me qëllim përditësimin e trajtimit financiar të personelit ushtarak.

Efektet financiare për vitin 2026, që lidhen me paga dhe kontribute për sigurime shoqërore e shëndetësore, do të përballohen nga buxheti i Ministria e Mbrojtjes, sipas ligjit për buxhetin e vitit 2026.

Vendimi hyn në fuqi pas botimit në Fletorja Zyrtare dhe i shtrin efektet nga 1 janari 2026.

/Marrë nga ATSH