Me rastin e pjesëmarrjes së presidentit kinez Xi Jinping në Samitin e Organizatës së Bashkëpunimit të Shangait 2026 dhe të vizitës së tij shtetërore në Kirgizistan, të dielën u zhvillua në kryeqytetin e Kirgizistanit Bishkek ceremonia e nisjes së transmetimit në versione shumëgjuhëshe të dokumentarit “Citimet klasike të parapëlqyera të Xi Jinping-ut”, të prodhuar nga Grupi Mediatik i Kinës. Presidenti kirgizistanas Sadyr Nurgozhoevich Japarov dërgoi një letër urimi lidhur me transmetimin e dokumentarit.

Që nga 30 gushti, “Citimet klasike të parapëlqyera të Xi Jinping-ut” do të transmetohet në mediat kryesore të vendeve të OBSh-së, duke përfshirë Kompaninë Kombëtare të Radiotelevizionit të Kirgizistanit, degën e Bjellorusisë të Kompanisë Ndërkombëtare të Radiotelevizionit “Paqja”, Televizionin “Khaber” të Kazakistanit, Korporatën Televizive të Pakistanit etj.

“Citimet klasike të parapëlqyera të Xi Jinping-ut” fokusohet në tema si zhvillimi ekonomik, inovacioni tekniko-shkencor, qytetërimi ekologjik e mirëqenia sociale. Në të janë përzgjedhur citatet dhe veprat klasike kineze të cituara në fjalimet dhe artikujt e presidentit Xi Jinping, të cilat demonstrojnë plotësisht përvojën e vlefshme që ofron Kina për qeverisjen globale.

Në fjalimin e mbajtur në ceremoninë e nisjes, drejtori i CMG-së Shen Haixiong u shpreh që transmetimi i dokumentarit “Citimet klasike të parapëlqyera të Xi Jinping-ut” në vendet e OBSh-së është një praktikë e gjallë për zbatimin e konsensusit të arritur nga krerët e shteteve të OBSh-së dhe për thellimin e miqësisë, shtimin e besimit të ndërsjellë dhe zgjerimin e shkëmbimeve midis tyre. Dokumentari do t’i ndihmojë shikuesit të njohin më mirë kulturën, zgjuarsinë dhe shpirtin e Kinës.

Burimi CGTN