Ministria për Evropën dhe Punët e Jashtme shprehu sot ngushëllime për popullin dhe qeverinë e Japonisë pas tërmetit që goditi Kumamoton.

Përmes një mesazhi në rrjetin sociale “X”, MEPJ thekson se mendimet dhe lutjet janë me familjet e viktimave, si dhe me të gjithë personat e prekur nga kjo fatkeqësi natyrore.

“Shqipëria i shpreh ngushëllimet e saj të sinqerta popullit dhe qeverisë së Japonisë pas tërmetit shkatërrues në Kumamoto. Mendimet tona janë me familjet e viktimave dhe të gjithë të prekurit. U urojmë shërim të shpejtë të plagosurve dhe solidarizohemi me Japoninë gjatë kësaj kohe të vështirë”, shkruan MEPJ.

Tërmeti me magnitudë 6,8 ballë Rihter goditi dje prefekturën Kumamoto, në jugperëndim të Japonisë.

Sipas autoriteteve, deri tani janë konfirmuar 13 viktima, ndërsa operacionet e kërkim-shpëtimit vazhdojnë.

Burimi ATSH