Ambasadorja e Republikës së Shqipërisë në Turqi, Blerta Kadzadej, zhvilloi në Ambasadë një takim shumë produktiv me Bordin e ri drejtues të Këshillit të Biznesit Turqi–Shqipëri të DEİK.

Gjatë takimit u shkëmbyen ide konkrete dhe u hartua një plan aktivitetesh për vitin 2026, me fokus promovimin e potencialit ekonomik të Shqipërisë dhe mundësive për investime. U diskutua organizimi i një forumi ekonomik, si dhe zhvillimi i takimeve ekonomike rajonale në Turqi me qëllim tërheqjen e investimeve turke në Shqipëri.

Po ashtu, Bordi konfirmoi vizitën e ardhshme në Tiranë, në kuadër të forcimit të mëtejshëm të bashkëpunimit ekonomik mes dy vendeve.

Takimi riafirmoi angazhimin e përbashkët për zgjerimin e partneritetit strategjik ekonomik Shqipëri–Turqi.