Ambasadori i Spanjës në Shqipëri, Gabriel Cremades, mori pjesë në një vizitë pune në Shkodër dhe Lezhë, të organizuar nga Zyra e Koordinatorit Rezident të Kombeve të Bashkuara në Tiranë, në kuadër të projektit “LEAP”(Lifelong Empowerment and Protection in Albania).

Ky projekt financohet nga Fondi i Kombeve të Bashkuara për Objektivat e Zhvillimit të Qëndrueshëm, ku Spanja është kontribuuesi më i madh, dhe zbatohet me pjesëmarrjen e United Nations Development Programme – UNDP, UN Women, UNICEF dhe International Labour Organization, nën drejtimin e Ministrisë shqiptare të Shëndetësisë dhe Mbrojtjes Sociale.

Gjatë vizitës u zhvilluan takime me kryetarin e bashkisë së Shkodrës dhe me përfitues të projektit, si në fushën e shërbimeve të kujdesit, ashtu edhe për promovimin e punësimit gjithëpërfshirës, veçanërisht për gratë.

Spanja, së bashku me Kombet e Bashkuara, mbetet e angazhuar për zhvillimin social gjithëpërfshirës në Shqipëri.