Ambasadori i Spanjës në Shqipëri, Gabriel Cremades, priti në rezidencën e tij një delegacion me përfaqësues të bizneseve spanjolle nga Dhoma e Tregtisë së Alicante-s.

Delegacioni, i përbërë nga kompani të sektorëve të ndryshëm, si produkteve kimike dhe elektrike, inpute bujqësore dhe materialeve për industrinë e këpucëve, po viziton Shqipërinë, me qëllim, forcimin e marrëdhënieve tregtare dhe identifikimin e mundësive për bashkëpunim me kompanitë vendase.

Ambasada e Spanjës falënderon Dhomën e Tregtisë së Alicante-s dhe të gjitha kompanitë pjesëmarrëse për interesin e tyre në tregun shqiptar dhe u uron suksese të mëtejshme në këtë mision, i cili do të kontribuojë në përfitimin e ndërsjellë të të dy vendeve.

(Marrë nga faqja zyrtare e Ambasadës)