Shkolla me traditë “Gjergj Fishta” në Lezhë shumë shpejt do të mirëpresë 522 nxënës dhe 38 mësues, në ambiente moderne dhe të sigurta.

Kryeministri Edi Rama vlerësoi sot se ky investim i Ministrisë së Arsimit në bashkëpunim me bashkinë Lezhë është një tjetër hap konkret drejt përmirësimit të infrastrukturës arsimore dhe rritjes së cilësisë së mësimnxënies.

Investimi përfshin rikonstruksionin total të godinës së shkollës si dhe rindërtimin e palestrës, rehabilitimin e oborrit dhe të gjithë hapësirave të jashtme.

Një tjetër komponent i rëndësishëm i projektit është shtesa në godinë, e cila do të shërbejë për krijimin e ambienteve të reja mësimore, laboratorëve bashkëkohorë dhe sallave funksionale në shërbim të nxënësve dhe stafit pedagogjik.

Burimi ATSH