Peleshi: Korça, zemra e alfabetit shqip

Kryetari i Kuvendit, Niko Peleshi, ka shprehur sot mirënjohjen dhe krenarinë për rolin historik të Korçës në formësimin e gjuhës shqipe, në Ditën e Alfabetit.


Kryetari i Kuvendit, Niko Peleshi, ka shprehur sot mirënjohjen dhe krenarinë për rolin historik të Korçës në formësimin e gjuhës shqipe, në Ditën e Alfabetit.

Ai u ndal te momentet kyçe që bënë qytetin themel të arsimit dhe identitetit kombëtar.

Peleshi kujtoi se në Korçë, me hapjen e Mësonjëtores së Parë Shqipe në vitin 1878, nisi drita e parë e dijes në gjuhën amtare, aty ku fëmijët dëgjuan për herë të parë shqipen e pastër në bankat e shkollës.

Ky hap, tha ai, mbolli farën e arsimit kombëtar dhe të dashurisë për gjuhën.

“Korça është zemra që rrahu fort për gjuhën shqipe! Nisi në këtë qytet drita e parë e dijes, me hapjen e Mësonjëtores së Parë Shqipe në vitin 1878, aty ku fëmijët dëgjuan për herë të parë tingullin e pastër të shqipes në bankat e shkollës. Aty u mboll fara e arsimit kombëtar dhe e dashurisë për gjuhën tonë”, shkroi Peleshi.

Ai solli në vëmendje edhe “Mitingun e Shkronjave” të vitit 1910, një ngjarje që mblodhi mijëra shqiptarë në mbrojtje të alfabetit shqip, në një kohë kur ai rrezikohej të zëvendësohej. Në atë miting, u këndua për herë të parë “Himni i Alfabetit”, një betim për gjuhën dhe identitetin tonë.

“Vite më vonë, në vitin 1910, Korça u bë sërish skenë e një prej momenteve më të fuqishme të historisë sonë. “Mitingu i Shkronjave” mblodhi mijëra shqiptarë që u ngritën në mbrojtje të alfabetit shqip, përballë çdo përpjekjeje për ta zëvendësuar atë. Mes emocioneve dhe vendosmërisë, në atë tubim kumbuan për herë të parë vargjet e “Himnit të Alfabetit”, si një betim për gjuhën dhe identitetin tonë”, shkroi Peleshi.

Në mesazhin e tij, Peleshi theksoi se Korça nuk është vetëm një dëshmi e kësaj historie, por vetë shpirti i saj, qyteti që i dha alfabetit kurajë, zë dhe jetë, duke mbetur deri sot një gur themeli i kulturës dhe i ndërgjegjes kombëtare.

“Korça nuk është vetëm dëshmi e kësaj historie por është shpirti i saj. Qyteti që i dha alfabetit tonë kurajë, zë dhe jetë”, shkroi Kryetari i Kuvendit, Niko Peleshi.

Burimi ATSH

“Albania’s European Week”

Në kuadër të Albania’s European Week, Ambasadori Petrit Malaj, së bashku me Ministren Këshilltare, Pranvera Teli, mbajtën sot në Kolegjin…

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

“Albania’s European Week”

Në kuadër të Albania’s European Week, Ambasadori Petrit Malaj, së bashku me Ministren Këshilltare, Pranvera Teli, mbajtën sot në Kolegjin…