Qeveria po investon për transformimin e shkollave me të njëjtin standard nga veriu në jug të vendit, për të garantuar kushte dinjitoze për mësim për nxënësit dhe stafet mësimore.

Në prej tyre është investimi në gjimnazin e ri “Sulejman Elezi” në Laknas. Kryeministri Edi Rama ndau sot pamje nga kantieri, ndërsa theksoi se gjimnazi po ndërtohet nga e para.

“Një hapësirë e re për 800 nxënës, me klasa bashkëkohore, terrene sportive, hapësira të gjelbra dhe panele diellore për energji të pastër”, shkruan Rama në rrjetet sociale.

Gjimnazi i shtohet zinxhirit të shkollave model në Bashkinë e Kamzës.

30 shkolla të reja dhe të rehabilituara në të gjithë vendin, me 340 laboratorë smart hapën dyert për nxënësit dhe mësuesit në nisje të vitit të ri arsimor.

Në total në buxhetin e vitit 2025 është planifikuar ndërtimi ose rikonstruksioni i rreth 80 objekteve arsimore të arsimit bazë, me rreth 1000-1200 klasa dhe laboratorë, investime prej të cilave përfitojnë 25 mijë nxënës dhe 1500-2000 punonjës mësimorë.

Burimi ATSH