Ambasadori i Spanjës, Gabriel Cremades Ventura, zhvilloi një takim me ministrin e Drejtësisë së Shqipërisë, Z.Besfort Lamallari.

Gjatë takimit u diskutuan marrëdhëniet dypalëshe midis të dy vendeve dhe u theksua angazhimi për vazhdimin e forcimit të dialogut politik dhe institucional.

Spanja rikonfirmoi mbështetjen e saj të palëkundur për procesin e integrimit evropian të Shqipërisë dhe për reformat e ndërmarra nga qeveria shqiptare në sistemin e drejtësisë.

Gjithashtu, u theksua bashkëpunimi në fushën e drejtësisë dhe shtetit të së drejtës, shkëmbimi i përvojave, modernizimi dhe dixhitalizimi gjyqësor, trajnimi i gjyqtarëve dhe prokurorëve si dhe lufta kundër korrupsionit dhe krimit të organizuar.