Drejtori i përgjithshëm i Doganave, Genti Gazheli, mori pjesë në takimin shumëpalësh të doganave të mbajtur në Hagë, me temën: “Transformimi i sistemeve të informacionit në motorë të inteligjencës për administratat doganore”.

Në fjalën e mbajtur gjatë takimit, Gazheli ndau përvojën e reformave që po zbatohen në Doganën Shqiptare, me fokus në modernizimin e sistemeve dhe lehtësimin e procedurave tregtare.

Gjatë vizitës, ai zhvilloi një bisedë të frytshme me drejtorin e përgjithshëm të Doganave Daneze, Christian Lützen, si dhe shkëmbeu eksperienca me përfaqësues të administratave doganore të vendeve si Gjermania, Norvegjia, Hungaria dhe Holanda, mbi sfidat dhe mundësitë që sjell digjitalizimi në fushën e doganave.

Gazheli theksoi se bashkëpunimi ndërkombëtar dhe shkëmbimi i ideve mbeten thelbësore për ndërtimin e një administrate doganore moderne, efikase dhe transparente.