Kryetarja e Kuvendit, Elisa Spiropali ka reaguar pas ndarjes së parakohshne nga jeta të gazetarit dhe publicistit të njohur, Artur Zheji.

“Trishtues lajmi për ndarjen e parakohshme nga jeta të gazetarit e analistit të mirënjohur Artur Zheji. Një zë i veçantë dhe penë e talentuar do t’i mungojë prej sot publikut shqiptar. Pusho në paqe, Artur”, shprehet Spiropali.

Zheji ndërroi jetë pasditen e së shtunës në moshën 64-vjeçare.
.
Për dekada, Zheji ishte i angazhuar në fushën e gazetarisë dhe publicistikës.
Ai ka mbajtur funksione drejtuese në disa media, si RTSH dhe ATSH, por edhe në media të shkruara. Që nga viti 2017, Zheji drejtonte emisionin politik dhe analitik 360 Gradë.

Artur Zheji ishte një figurë e spikatur në media dhe analizën politike, vdekja e tij përbën një humbje të madhe për opinionin publik dhe botën e medias në Shqipëri.