30 korriku njihet si Dita Ndërkombëtare Kundër Trafikimit të Qenieve Njerëzore.

E miratuar nga Asambleja e Përgjithshme e OKB-së, në vitin 2013, në rezolutë shkruhet se, një ditë e tillë ishte e nevojshme për të rritur ndërgjegjësimin mbi gjendjen e viktimave të trafikimit njerëzor dhe për promovimin dhe mbrojtjen e të drejtave të tyre.

Trafikimi i qenieve njerëzore vazhdon të jetë një kërcënim global i nxitur nga krimi i organizuar.

Gjithnjë e më shumë viktima po trafikohen çdo vit, në distanca më të mëdha, me dhunë në rritje, për periudha më të gjata kohore dhe për fitim më të madh.

Nga viti 2020 deri në vitin 2023, pati më shumë se 200 mijë viktima të zbuluara në nivel global, që është vetëm maja e ajsbergut.

Numri aktual i rasteve të paraportuara besohet të jetë dukshëm më i lartë.

Dita Botërore Kundër Trafikimit të Personave u shpall nga Asambleja e Përgjithshme e Kombeve të Bashkuara, në rezolutën e saj A/RES/68/192.

Fushata e këtij viti thekson rolin jetësor të: zbatimit të ligjit dhe sistemit të drejtësisë penale në çmontimin e rrjeteve të organizuara të trafikimit; vënien para përgjegjësisë të autorëve; fokusin e shtuar në mbrojtjen e të mbijetuarve; ofrimin e ekspertizës së nevojshme dhe mbështetjes së gjithanshme dhe solidaritetit social.

Burimi ATSH