Kryetari i bashkisë Pogradec, Ilir Xhakolli, mirëpriti në takim kryetarin e bashkisë Pommelsbrunn, nga Republika Federale e Gjermanisë, Armin Haushahn.

Në takim ishte i pranishëm edhe Arnold Geiger, drejtor i përgjithshëm i Fondacionit “Nehemia Gateway” dhe Arlinda Meridani, drejtuese e Projekteve Globale të Fondacionit Nehemia Gateway.

Gjatë takimit, u theksua kontributi dhe bashkëpunimi i pandërprerë mes bashkisë Pogradec dhe Fondacionit “Nehemia Gateway”, si dhe u përcoll mesazhi i bashkëpunimit të qëndrueshëm mes bashkisë Pommelsbrunn dhe bashkisë Pogradec në fusha të ndryshme, kryesisht në turizëm dhe kulturë.

Xhakolli e njohu homologun e tij me Pogradecin, kulturën, zakonet, traditat, monumentet e natyrës dhe kulturës, si edhe një sërë projektesh që do t’i japin Pogradecit edhe më tepër zhvillim ekonomik dhe turistik.

Burimi ATSH