“Paqja do të vendoset në Ukrainë”, Spiropali: Vendet e lira, së bashku në luftë kundër të keqes

Spiropali mbajti një fjalë përshëndetëse në Samitin e Paktit të Qyteteve të Lira, me temë “Solidariteti Urban në kohë të trazuara: Zgjidhje të Qëndrueshme për Konfliktet dhe Kërcënimet Globale”.


Kryetarja e Kuvendit, Elisa Spiropali u shpreh sot se për Ukrainën ka shpresë se herët apo vonë paqja me çmimin e gjakut do të vendoset dhe do të fillojë rilindja e shërimit të plagëve.

Spiropali mbajti një fjalë përshëndetëse në Samitin e Paktit të Qyteteve të Lira, me temë “Solidariteti Urban në kohë të trazuara: Zgjidhje të Qëndrueshme për Konfliktet dhe Kërcënimet Globale”.

Duke folur për Ukrainën, Spiropali siguroi se vendet e lira do të qëndrojnë së bashku në luftë kundër të keqes, kundër tiranëve dhe autoritarizmit.

Në samitin ku marrin pjesë mbi 20 kryebashkiakë, Spiropali përshëndeti veçanërisht kryebashkiakët e tre qyteteve në Ukrainë, dy prej të cilëve pjesëmarrës në këtë samit.

“Samiti ka bërë bashkë drejtues të qyteteve, politikëbërës dhe vizionarë të angazhuar për të ndërtuar qytete të lira, formësuar e zhvilluar shoqëri të hapura dhe kontribuar për të ardhmen demokratike të vendeve tona. Dalloj online Vitali Klitschko, kryetar i bashkisë së Kievit. Kievi i Klitschko, por edhe qytetet e dy kryetarëve të bashkive që janë këtu, zgjohet jo nga zilet e nisjes së punës, pro nga sirenat që paralajmërojnë sulmet me dronë e raketa si në çdo skaj të Ukrainës martire, peng i një lufte shkatërrimtare të paprovokuar,” tha Spiropali.

Duke rikujtuar vizitën në Ukrainë në fillim të luftës, Spiropali tha se “zemra priste që lufta të mbaronte 1 orë e më parë, kurse logjika pranonte se e keqja do të kryente ciklin e saj kriminal dhe të padurueshëm”.

“Sot kur fshatra e qytete janë rrënuar, kur mijëra jetë janë ndërprerë në mënyrë tragjike, tuneli i errët i luftës duket ende larg dritës së daljes së tij. Megjithatë ka shpresë se herët apo vonë paqja me çmimin e gjakut do të vendoset dhe do të fillojë rilindja e shërimit të plagëve. Ju herët a vonë do të zbrisni krenar nga ringu i jetës me dinjitetin e një populli krenar që nuk mposhtet, sa kohë lufton për liritë e tij,” tha Spiropali.

Burimi ATSH

“Albania’s European Week”

Në kuadër të Albania’s European Week, Ambasadori Petrit Malaj, së bashku me Ministren Këshilltare, Pranvera Teli, mbajtën sot në Kolegjin…

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

“Albania’s European Week”

Në kuadër të Albania’s European Week, Ambasadori Petrit Malaj, së bashku me Ministren Këshilltare, Pranvera Teli, mbajtën sot në Kolegjin…