Gjatë vizitës në Bruksel, Kryetarja e Kuvendit, Elisa Spiropali zhvilloi edhe një takim me Raporterin e Parlamentit Evropian për Shqipërinë, Andreas Schieder.

Spiroapli pati gjithashtu takime me Bashkëkryetarin e Komitetit Parlamentar të Stabilizim Asociimit Shqipëri-PE, Marco Tarquinio dhe Zëvendëskryetaren e Komisionit për Çështjet e Jashtme të PE, Hana Jalloul Muro.

Në takime u diskutua për konkretizimin e një sërë mekanizmash, platformash dhe projektesh të përbashkëta ndërparlamentare.

Kryetarja e Kuvendit, Elisa Spiropali po zhvillon një vizitë në Parlamentin Evropian, në Bruksel, me ftesë të presidentes së Parlamentit Evropian, Roberta Metsola.

Gjatë kësaj vizite, Spiropali shoqërohet nga bashkëkryetari i Komitetit Parlamentar të Stabilizim-Asociimit Shqipëri-Parlamenti Evropian dhe zëvendëskryetar i Këshillit Kombëtar të Integrimit Evropian, Toni Gogu, kryetarja e Komisionit të Ligjeve, Klotilda Bushka, kryetari i Komisionit të Ekonomisë, Eduard Shalsi, dhe ambasadori i Shqipërisë në Bashkimin Evropian, Ferit Hoxha.

(ATSH)