Në datë 21 tetor, përfaqësuesi i Pakicës kombëtare malazeze në Komitetin për Pakicat Kombëtare Marinko Çullafiq, zhvilloi një takim në qytetin e Shkodrës me përfaqësuesit e shoqatave malazeze “Komuniteti malazez në Shqipëri” dhe “Montenegro”.

I pranishën ishte edhe i ngarkuari me punë në Ambasadën e Malit të Zi në Tiranë z. Pavllo Karanikiq. Gjatë takimit u diskutuan një sërë problematikash dhe mundësia e forcimit të bashkëpunimit midis shoqatave malazeze në kuadër të riorganizimit të kësaj pakice.

Në fund të takimit u nënshkrua nje memorandum bashkëpunimi midis dy shoqatave.

Në datë 22 tetor, Cullafiq u prit në një takim në Podgoricë, nga Sekretari i Shtetit në Ministrinë e Diasporës së Malit të Zi z. Adel Omeragiq dhe këshilltari i përhershëm z. Zoran Gjukanoviq me të cilët diskutoi për të gjitha problemet dhe vështirësitë që has pakica malazeze, nevojën e bashkëpunimit në mbështetje të riorganizimit të shoqatave malazeze në Shkodër dhe Tiranë etj.

Së shpejti do të përgatiten edhe kushtet për takimin e dy drejtuesve të dy institucioneve, ministrit për Diasporën e Malit të Zi, z. Mirsad Azemovic dhe Kryetares të Komitetit për Pakicat Kombëtare të Shqipërisë, znj. Konstantina Beziani.