Konsulli i Përgjithshëm i Shqipërisë në Turqi, Armand Shandro, zhvilloi një takim festiv me të rinjtë profesionistë shqiptarë të suksesshëm në fusha të ndryshme në Stamboll.

Në fjalën e tij, z. Shandro nënvizoi marrëdhëniet e shkëlqyera ndërmjet Shqipërisë dhe Turqisë dhe shprehu mirënjohjen për kontributin e tyre në zhvillimin e këtyre marrëdhënieve

NJOFTIMI I KONSULLATËS

Siparin e aktiviteteve me diasporën, Konsulli i Përgjithshëm e filloi me të rinjtë profesionistë shqiptar të suksesshëm në fusha të ndryshme në Stamboll.

Në fjalën e tij, z. Shandro falënderoi të ftuarit për pjesëmarrjen; nënvizoi marrëdhëniet e shkëlqyera ndërmjet Shqipërisë dhe Turqisë dhe shprehu mirënjohjen për kontributin e tyre në zhvillimin e këtyre marrëdhënieve; informoi mbi prioritetet e Konsullatës së Përgjithshme ku mund të japin kontributin e tyre edhe anëtarët e diasporës; informoi mbi axhendën e aktiviteteve të Konsullatës gjatë 6-mujorit të dytë.

Në një atmosferë festive, nën tingujt e muzikës shqiptare të luajtur nga artistja tepër premtuese Klea Çutra, pjesëmarrësit diskutuan dhe ndanë ide mbi bashkëpunimin e mëtejshëm me Konsullatën e Përgjithshme mbi projektet e ardhshme.

Në aktivitet, përshëndeti edhe Konsullja e Përgjithshme e Republikës së Kosovës, mikja e Konsullatës, znj. Suzan Novobërdalliu si dhe mori pjesë edhe Konsullja e Konsullatës së Maqedonisë së Veriut znj. Sevim Sej.