Ambasadori i Turqisë në Shqipëri, Tayyar Kağan Atay, priti në një takime kortezie, piktorin e mirënjohur turk, Atanur Dogan, njëherësh edhe President i International Watercolors Society (IWS), që ka në gjirin e saj mbi 142 degë në gjithë botën, përfshirë edhe IWS Albania, si dhe piktorin tjetër turk, Levent Oyluçtarhan.

Bashkëbisedimi u fokusua në rolin e artit në fuqizimin e marrëdhënieve kulturore midis Turqisë dhe Shqipërisë.

Ambasadori Atay vlerësoi pjesëmarrjen e tyre në Festivalin Ndërkombëtat të Akuarelit të organizuar nga VizArt dhe IWS Albania dhe të zhvilluar në Tiranë, Lushnjë dhe Ersekë, së bashku me piktorë shqiptarë dhe ndërkombëtarë nga Kina, Peruja, Bullgaria, Ukraina, Koreja e Jugut, etj.

Presidenti Dogan i dhuroi ambasadorit turk një album katalog të veprimtarisë artistike të realizuar nga International Watercolors Society (IWS), në Turqi dhe mbarë botën.

I pranishëm ishte dhe botuesi i gazetës online “Tirana Diplomat”, Dash Frasheri.