Ministri për Evropën dhe Punët e Jashtme, Igli Hasani zhvilloi sot në Bruksel një takim me homologen belge, Hadja Lahbib.

Gjatë takimit Hasani dhe Lahbib diskutuan mbi mënyrat për të forcuar dialogun politik, për të përmirësuar më tej marrëdhëniet tregtare dhe ekonomike dypalëshe si dhe bashkëpunimin e ngushtë në forumet ndërkombëtare.

Në një postim në rrjetet sociale, Hasani ndau momente nga takimi, ndërsa theksoi se e uroi Lahbib për Presidencën e Këshillit të BE-së.

Gjithashtu, Hasani shprehu mirënjohjen për përkushtimin e Belgjikës ndaj zgjerimit të BE-së si dhe mbështetjen për Shqipërinë dhe vendet e tjera të Ballkanit Perëndimor në rrugën e tyre drejt integrimit të përshpejtuar në BE.

Ministri për Evropën dhe Punët e Jashtme, Igli Hasani ndodhet në Bruksel, ku mori pjesë sot në takimin informal të Këshillit të Çështjeve të Përgjithshme të BE-së. (ATSH)