Nga Dash Frashëri

“TINGUJT E PRANVERËS” – “FRÜHLINGSKLÄNGE”

Kështu titullohej koncerti i nxënësve të Liceut Artistik “Jordan Misja”, i zhvilluar të enjten (11 prill) në Sallën e Ambasadës Gjermane në Shqipëri.

Koncerti kishte në program pjesë nga kompozitorë shqiptarë (Ç.Zadeja, P.Gaci), gjermanë (Bethoven, Koelling, Brahms, Burgmuler, Schubert, Schuman) si dhe austriaku Mozart.

I pranishëm ishte dhe ambasadori gjerman në Shqipëri, Karl Bergner, i cili në fjalën e tij, vlerësoi angazhimin e liceut artistik dhe garantoi mbështetjen e ambasadës për projekte të tilla.

Edhe drejtoresha e Liceut Artistik “Jordan Misja”, Etleva Kolnikaj, falënderoi ambasadën gjermane për mbështetjen e koncertit, duke theksuar dhe vazhdimin e bashkëpunimit për projekte të tjera në të ardhmen, përfshirë dhe artet pamore.

Programi nisi me kompozimin Çesk Zadesë, “Shkon djali ter’male”, kënduar nga kori i liceut artistik, me dirigjente Ermira Alliu.

Koncerti vazhdoi me minuetin e kompozitorit të madh gjerman, Ludvig van Bethoven, në piano nga Iris Hasani, dhe i përgatitur nga mësuesja Edlira Gjoni.

Rapsodia hungareze e Koelling u interpretua na Rejana Vrapi në piano (përgatiti Hermina Bogdo).

Kompozitori Schubert u paraqit me nje serenatë, të interpretuar në flaut nga Blerina Kaçiu dhe në piano nga Etleve Kolnikaj, njëherësh edhe drejtoreshë e liceut. Pjesa ishte përgatitur nga mësuesja Majlinda Pango.

Tingujt e preludit të Bach erdhën përmes kitarës së Erind Bajos, përgatitur nga Dionis Bizhga.

Sonata e Schuman u interpretua nga Najada Sulollari në violinë dhe Erjana Riza në Piano. Përgatiii Alba Lagji.

Romanca e Burgmuler u interpretua nga Ticiana Gaudini në violincel dhe Petra Puka në kitarë. Përgatiti Ridvana Selita dhe Gert Margariti.

Aria e Mozartit te “Dasma e Figaros” u interpretua në kanto nga Selma Qejvani, e shoqëeruar në piano nga Erjana Riza. Përgatiti Alma Strazimiri.

Koncerti u mbyll me pjesën për violinë të Pjetër Gacit, interpretuar nga formacioni i harqeve të liceut artistik. Në daulle ishte Erjon Medha, ndërsa në piano, Erjana Riza. Përgatitur nga Arjola Garo.

Koncerti u pëlqye dhe u duatrokit nga të pranishmit, me ambadadorin gjerman që mbeti shumë i kënaqur.

Për të shprehur kënaqësinë e tij, ambasadori Bergner bëri edhe një foto-selfi me nxënësit dhe mësuesit e Liceut Artistik “Jordan Misja”.