Tirana bëri bashkë profesionistë të ekonomisë krijuese nga Mbretëria e Bashkuar, Ballkani Perëndimor dhe Shqipëria, për të diskutuar mbi fushën e filmit, muzikës, teknologjisë, arkitekturës, arteve pamore etj.

Ministri i Ekonomisë, Kulturës dhe Inovacionit (EKI), Blendi Gonxhja, tha se vendit i nevojitet sot më shumë se kurrë një bashkërendim i bazuar në dije dhe në meritë, në shërbim të interesit të përbashkët publik kulturor, ekonomik e kombëtar.

“Duhet të punojmë fort në drejtim të përafrimit dhe strukturimit të sistemit tonë kulturor sipas ekspertizës dhe praktikave më të mira të Anglisë, MB dhe vendeve të zhvilluara të BE në mënyrë që jo vetëm të tërheqim sa më shumë produksione ndërkombëtare në Shqipëri por dhe të rrisim në mënyrë sa më të qëndrueshme përvojën e mirëqenien e punonjësve kulturorë të këtyre fushave fare të veçanta, këtu, në vendin tonë.

Prandaj sot, na nevojitet më shumë se kurrë bashkërendim i bazuar në dije dhe meritë në shërbim të interesit të përbashkët publik, kulturor, ekonomik e kombëtar, u shpreh Gonxhja në postimin e tij në rrjetet sociale.

POSTIMI I MINISTRIT GONXHJA

Kënaqësi të isha pjesë e Takimeve Krijuese, që përmbajnë në vetvete ekonominë, kulturën dhe inovacionin.

Duhet të punojmë fort në drejtim të përafrimit dhe strukturimit të sistemit tonë kulturor sipas ekspertizës dhe praktikave më të mira të Anglisë, MB dhe vendeve të zhvilluara të BE në mënyrë që jo vetëm të tërheqim sa më shumë produksione ndërkombëtare në Shqipëri por dhe të rrisim në mënyrë sa më të qëndrueshme përvojën e mirëqenien e punonjësve kulturorë të këtyre fushave fare të veçanta, këtu, në vendin tonë.

Prandaj sot, na nevojitet më shumë se kurrë bashkërendim i bazuar në dije dhe meritë në shërbim të interesit të përbashkët publik, kulturor, ekonomik e kombëtar.