Ministri i Financave dhe Ekonomisë, Ervin Mete tha sot se “papunësia ka zbritur në nivele të ulëta historike, prej 10.5%”.

Në konferencën për shtyp mbi zhvillimet e vitit 2023 dhe pritshmëritë për këtë vit, Mete theksoi se “tendenca është për rënie të mëtejshme poshtë 10% në periudhat në vijim”.

“Këto të dhëna janë inkurajuese për të vijuar më tej politikat e nxitjes së punësimit, me fokus uljen e mëtejshme të papunësisë sidomos për gratë dhe të rinjtë”, tha Mete.

Mete deklaroi gjithashtu sot se ekonomia shqiptare vlerësohet si një nga ekonomitë më rezistente dhe me ecurinë më pozitive në rajon, me pritshmëri për rritje të mëtejshme. (ATSH)