Ministri i Mbrojtjes, Niko Peleshi përcolli pamje nga qendra e re e Sigurisë Kibernetike, ndërsa u shpreh se ajo do të kontribuojë në gjithë ekosistemin kombëtar.

“Njësia Ushtarake e Sigurisë Kibernetike, një qendër moderne, e ngritur falë mbështetjes së partnerit tonë strategjik, SHBA, një nukël profesionistësh që kontribuon në mbrojtjen kibernetike të FA dhe të të gjithë ekosistemit kombëtar”, u shpreh Peleshi në rrjetet sociale.

Qendra e Inovacionit të Sigurisë dhe Mbrojtjes do të jetë e hapur për të gjithë ata të interesuar në fushën e inovacionit dhe teknologjisë së hapësirës për të shprehur kreativitetin dhe për të zbuluar potencialin në këto fusha të avancuara. Peleshi më herët garantoi mbështetje maksimale nga Ministria e Mbrojtjes, në çdo përpjekje për të zhvilluar projekte të ndryshme, duke përfshirë sfida teknike dhe krijimin e inovacioneve të reja.

Siguria kibernetike është tashmë fushë me prioritet kombëtar, ndërsa po rriten kapacitetet për mbrojtjen kibernetike.

(Marrë nga ATSH)