Ministrja e Bujqësisë dhe Zhvillimit Rural, Anila Denaj bëri të ditur se eksportet bujqësore shënuan rritje me 17.5 %, gjatë 8-mujorit të këtij viti krahasuar me të njëjëtn periudhë të një viti më parë.

Sipas Denajt, ato arritën në vlerë, 38.44 miliardë lekë, nga 32.73 miliardë lekë që ishin në 8-mujorin 2022.

Ministria e Bujqësisë dhe Zhvillimit Rural krahas investimeve në vepra vaditëse dhe kullimi, në kushtet e krizës nga lufta në Ukrainë, përmes Skemës Kombëtare ka mbështetur me financim fermerët për uljen e kostove të prodhimit.

“Ecuria dhe rritja e vazhdueshme e eksporteve është pasqyrë e qartë e njerëzve të punës në bujqësi dhe suksesit të politikave të qeverisë për sektorin, të cilat na sjellin më afër me objektivin 1 miliard dollarë eksporte bujqësore deri në vitin 2030”, u shpreh ministrja Denaj. /ATSH