Ambasadori i caktuar i Shqipërisë në SHBA, Ervin Bushati, paraqiti kopjen e letrave kredenciale tek Shefi i Protokollit në detyrë në Departamentin e Shtetit z. Ethan Rosenzweig. Në takim mori pjesë edhe Drejtori i Rajonit z. Martin McDowell.

Pas urimeve të rastit dhe vlerësimeve për caktimin në këtë pozicion, ambasadori Bushati u informua në lidhje me takimin dhe prezantimin e Letrave kredenciale tek Presidenti i SHBA Joe Biden, i cili pritet të ndodhë në një kohë të afërt.

Ky takim shënon fillimin zyrtar të detyrës së ambasasorit të caktuar Ervin Bushati, me një axhendë të pasur prioritetesh për bashkëpunimin me SHBA në shumë fusha të interesit reciprok, përfshirë atë në fushën e mbrojtjes dhe sigurisë, ekonomisë, energjisë, kulturës, arsimit me qëllim forcimin në vijëmësi të Partneritetit Strategjik Shqipëri-SHBA.