Zëvendëskryeministrja Belinda Balluku, njëherësh ministre për Infrastrukturën dhe Energjinë u bëri thirrje qytetarëve të denoncojnë lidhjet e paligjshme në rrjetin e ujësjellësit.

Balluku bëri të ditur se prej disa ditësh në të gjithë vendin ka nisur aksioni për ndërprerjen e lidhjeve të paligjshme të ujit.

Sipas saj, për t’u ardhur në ndihmë qytetarëve në faqen e Agjencisë Kombëtare të Ujësjellës-Kanalizimeve dhe Mbetjeve të Ngurta (AKUM) është hapur një dritare për denoncimet online.

“Denonco abuzimet që dëmtojnë rrjetin e ujesjellësit si dhe sjelljet jo etike të punonjësve nëpërmjet hapësirës së re në webin e ri: akum.gov.al”, u shpreh Balluku.