83 drejtues të institucioneve qendrore nisën sot Programin 5-ditor të Trajnimit Ekzekutiv, i cili organizohet nga Shkolla Shqiptare e Administratës Publike (ASPA) në bashkëpunim me Institutin Kombëtar Francez të Shërbimit Publik (INSP).

Ministrja e Shtetit për Administratën Publike dhe Antikorrupsionin, Adea Pirdeni, theksoi se, ky program përfaqëson një mundësi shumë të mirë ku ndërthuret përvoja franceze dhe evropiane për të forcuar lidershipin në administratën publike shqiptare, si dhe për të fuqizuar kapacitetet e drejtuesve në vendimmarrjen ligjore në mjedise komplekse dhe të pasigurta.

Pjesëmarrësit do të kenë mundësinë të përfitojnë nga përvoja franceze dhe evropiane, duke i integruar praktikat më të mira ndërkombëtare në menaxhimin e institucioneve publike në Shqipëri.

Ky trajnim synon forcimin e profesionalizmit, transparencës dhe efikasitetit të administratës publike, duke kontribuar drejt një shërbimi publik më të mirë dhe më të përgjegjshëm për qytetarët.

Burimi ATSH