Investimet e huaja direkte, një ndër burimet kryesore të financimit të ekonomisë dhe krijimit të vendeve të punës, shënuan rritje edhe në gjashtëmujorin e parë të vitit 2025.

Sipas statistikave të Bankës së Shqipërisë, vlera e përgjithshme e investimeve të huaja u rrit në 759 milionë euro në fund të 6-mujorit, të parë të këtij viti. Duke shënuar një rritje me 8 milionë euro krahasuar me të njëjtën periudhë një vit më parë.

Këto investime, janë adresuar kryesisht në sektorët strategjikë si aktivitetet e pasurive të paluajtshme, në sektorin e aktiviteteve financiare dhe të sigurimit, si edhe industritë nxjerrëse, përpunuese dhe i energjisë elektrike, gazit, dhe furnizimit me ujë.

BSH-ja bën të ditur se vitin e kaluar investimet e huaja prekën shifrën e 1,6 miliardë eurove, me rritje rreth 6% krahasuar me një vit më parë.

Pasuritë e paluajtshme sollën gati 1/4 e totalit të investime të huaja për vitin 2024 në shifrën e rreth 325 milionë eurove ose 17% më shumë se në vitin 2023.

Burimi ATSH